您的位置:主页 > G稿生活 >台中必食招财猫冰! 文青推介4大怀旧餐厅

近年台中兴起旧屋翻新，唔少商家都因为唔捨得历史悠久嘅旧屋被拆而索性原装改建，外面就保留原始古味外观，里面就重新配合现代设计发展商业用途，一举两得，其实都值得香港多多借鉴！今次就同大家一齐开始呢个怀旧时光之旅，同大家一边享受食物，一边细味老台湾。

怀旧餐厅1：CAFÉ 1911，昭和沙龙

台中市役所于1911年成立，係台中旧城区极具代表性嘅建筑物！台中市役所可谓「身经百战」，因为921地震而令震毁部分建筑物，经过前几年后嘅修複及活化工程后，终于结合餐饮服务同文创概念嘅新据点！当中嘅「文创园区」除咗有免费嘅艺术之览之外，仲有两间以日式昭和风格嘅主题餐厅，完全配合到台中市役所于日治时期嘅欧式华丽设计。

CAFÉ 1911位于一楼，本来以为係食西餐，但望多两望，就可以意会到餐厅名係同台中市役所嘅成立年份－1911年有关。由于当年嘅台湾正经历日治时期，所以入面食日本嘢真係一啲都唔出奇！餐厅提供日式昭和风丼饭、套餐为主，另有提供各式台式饮品，将日式、台式餐点mix ＆ match，符合市役所嘅历史背景之余，亦令人有奂然一新嘅感觉！

餐厅风格非常优雅大方，落地玻璃映入日光，令木造餐桌更有质感，环境舒服。

不过，有喺试业期间去过嘅网民就话客满时，环境就有啲嘈吵焗促。其实呢度亦有提供户外用餐区，喺户外用餐又有另一种风味～

留意返餐牌，定食、丼饭套餐，甚至小食都一应俱全，饮品种类更可有廿多款选择，真係唔怕你嘢啱食，只怕你唔知拣咩食好！而各套餐约港币＄60－70到，仲配合埋咁优雅古典嘅餐环境，值！

市役所特製定食 TWD$250-280 (约港币＄60－70）

唔好以为定食只有一个主菜加一碗饭，其实跟餐仲包埋2道渍物、海鲜鸡肉茶碗蒸、味噌汤同茶，一啲都唔马虎！网民就话餐点表现中规中矩，试食嘅炸猪扒定食较硬身，反而鸡肉亲子饭就好入味，而另外点嘅小食份量就较少。

日式唐扬鸡 TWD$90（约港币＄22）

唔少食客都有点呢款日式炸鸡小食，味道不俗。

位于二楼嘅昭和沙龙，只卖茶品同冰点。「昭和」係指昭和时期，但「沙龙」又係何解呢？原来係以前法国人用嚟款待贵宾嘅地方，而市役所亦希望带呢个待客如宾嘅态度畀客人，故取其名！呢度同CAFÉ 1911嘅西式设计唔同，带和洋风。当中，唔少游人都会嚟呢度饮杯珍珠奶茶，点个可爱程度可以话係难以令人抗拒嘅招财猫冰，影张劲chill嘅叹茶相，即时打卡！

装饰嘅灯笼亦参照日本宫灯而製。

特製芒果招财猫冰 TWD$150 （约港币＄35）

呢款被食客疯点嘅招财猫冰原来都大有来头！设计源于明治时期流传嘅文化，左手招客，右手揽住小判金币（即係千万两），象徵招运又招财！

京都抹茶雪糕 TWD$60 （约港币＄14）

除咗可爱招财猫冰，抹茶雪糕都非常受欢迎！网民话抹茶味香，另有朱古力味。

市役所珍珠奶茶 TWD$65（约港币＄15）

招牌珍珠奶茶简直係人人必点之物！唔少网民话珍珠口感qq，值得一讚。

台中市役所

地址：台中市西区民权路97号

营业时间：星期一至日10am-9pm（每月第三週的星期一休息）

电话：04-35077357

Cafe 1911

营业时间：：10am -9pm

昭和沙龙

营业时间：：10am -9pm

怀旧餐厅2：宫原眼科

提到宫原眼科，各位旅人都知道佢係台中一间劲多嘢买嘅手信店！其实位于台中火车站附近兼前身係眼科医院嘅宫原眼科历史相当悠久，有足足88年历史！买就买得多啦，但呢间老房子究竟入面有乜好食，而令佢成为各位旅人食家去台中都要一游呢？之唔係呢度有间人龙店啰……

呢间老房子外部保留住古旧嘅红砖拱形迥廊，入面布置得有如图书馆，必影！

宫原眼科

宫原眼科雪糕店人龙之店！呢间雪糕店每日提供数十种口味嘅雪糕，一共有分朱古力、水果同茶，三大种类。提供嘅味道亦相当讲究，净係朱古力雪糕都有成18种，由浓度43％到100％都有！除咗雪糕之外，仲可以拣配料，各式水果、果仁、饼乾，甚至连芝士蛋糕、凤梨酥都有，客人仲可以免费拣4种呀！咁多选择，排队果阵拣定就差唔多啦！

宫原珍奶

「排得队食雪糕，就唔争在试埋佢杯珍珠奶茶！」相信係唔少去过宫原眼科嘅旅人心声。事关呢度嘅珍奶名非常引人入胜，例如係「闪亮的日子珍珠奶茶」（薰衣草迷迭香红茶）、「跟往事乾杯珍珠奶茶」（橙花玫瑰薄荷红茶）等，令人回心微笑。另外，大家亦请放心！珍奶通常都唔驶排队嘅～

醉月楼

醉月楼茶式以轻食为主，大家喺度血拼到攰时，不彷喺度high 个tea抖一抖！呢度除咗主力sell modern 台菜之外，仲有超出色嘅甜品！记者觉得呢度嘅甜品更值一试！呢度嘅甜品同楼下雪糕店唔同，卖相较精緻，环境亦较优雅，虽然价钱贵咗啲，但有bugget嘅不彷喺度享受一番！

醉月圣代，由5种雪糕组成，包括爱文芒、奇异果、黑叶荔枝，黑叶荔枝更係台湾独有，香味係其他品种嘅两倍，必试！TWD $450，约港币＄116。

爱文芒剉冰，方形嘅芒果冰用一大个爱文芒製成，上面有龙眼果冻，伴随有爱文芒雪糕，酸甜兼备，可供4人享用！TWD$450，约港币＄116。

宫原眼科

地址：台中市中区中山路20号

营业时间：星期一至日 10am-10pm

电话：04-22271927

怀旧餐厅3：第四信用合作社

宫原眼科后另一老屋改造嘅成功案例－第四信用合作社。佢亦位于中山路上，外观保留旧有金库原本面貌，入面就非常modern！里头餐厅亦有提供各款冰品餐点，甜点、鹹点一应俱全，当中嘅特色冰点更吓记者一跳，有趣新鲜，贪玩食家必去！

雪糕佛跳墙

柠檬丰仁冰早午餐 Brunch Set

第四信用合作社

地址：台中市中区中山路72号

营业时间：星期一至日 10am-10pm

电话：04-22271966

怀旧餐厅4：金福气南洋食堂

呢间金福气南洋食堂超sharp 醒，一望仲以为係80年代嘅高级餐厅！佢开业无耐，已被网民疯狂推介为又平又好食嘅食堂！讲明南洋食堂，紧係食马拉嘢啦，事不宜迟，即刻睇吓佢有咩咁吸引！

睇返餐牌，套餐价最贵都不过係 TWD$160，即港币约38，抵！

泰式打抛猪热压吐司

喇沙麵

纯手工製客家麻糬

福气儿童餐（椰汁鸡饭＋多士＋饮品）

金福气南洋食堂

地址：台中市北屯区崇德路二段67号

营业时间：星期一至日 10am-9:30pm

电话：04-2236 7060

上一篇：台中必访！茶世界的Burberry│引领新茶流 下一篇：台中忠信市场：放慢脚步你会更享受这儿的老味道

相关阅读：